Sirrý.is

Umsagnir

Senda í tölvupóst Prentvæn útgáfa Skoða sem PDF skjal

Meðmæli

 

,,Ég þarf í mínu starfi að halda fyrirlestra og ræður á ýmsum stöðum og einnig að hafa samskipti við fjölmiðla. Námskeið Sirrýjar um framsækni og örugga tjáningu er í einu orði sagt frábært. Gagnlegt, fræðandi, skemmtilegt, áhugavert eru það sem mér dettur fyrst í hug. Mér fannst það líka mannbætandi í þeim skilningi að auka jákvæðni og sjálfstraust. Námskeiðið fær mín bestu meðmæli og ég veit að það sem ég lærði þar mun nýtast mér í framtíðinni. Kærar þakkir Sirrý og BHM!! "

Ásta S. Helgadóttir, forstöðumaður
Ráðgjafarstofu um fjármál heimilanna

----------------------------

,,Ég þakka kærlega fyrir skemmtilegt námskeið, ég hafði mjög gaman og gagn af þessu, hún Sirrý gerði þetta mjög vel, þetta er í eitt af þeim fáum skiptum sem að ég hef farið á námskeið þar sem að það lá engum á að komast í reyk eða pásu! Og ekkert geisp..........! Mjög gott."

Finnur Númason
Trúnaðarmaður VR

----------------------------

Félag kvenna í lögmennsku leitaði til Sirrýar og bað hana um að halda námskeið fyrir félagsmenn þar sem lögð yrði áhersla á framsetningu efnis í ræðu og riti. Námskeiðið var haldið undir heitinu „Þjálfun í framsækni fyrir þig og fyrirtæki þitt“. Á námskeiðinu voru fyrirlestrar um efnið þar sem farið var yfir tæknileg atriði hvernig best er að takast á við algengar fyrirstöður þegar komið er fram opinberlega svo sem eins og kvíðastjórnun, algleymi ofl. Námskeiðið var einstaklingsmiðað og fékk hver og einn þátttakandi tækifæri til að halda ræðu, spegla sig á fundi þar sem tekið var þátt í umræðinni, fara í sjónvarpsviðtal , - og síðast en ekki síst að halda samkvæmisræðu undir glæsilegu borðhaldi í lok námskeiðs. Fljótlega kom í ljós að Sirrý var reiðubúin til að sníða námskeiðið sitt að þörfum okkar kvenna í lögmennsku og tel ég að það hafi gert námskeiðið áhrifaríkara fyrir okkur en ella. 
Námskeiðið var í senn gagnlegt og einstaklega skemmtilegt og því get ég að fullum heilindum mælt með því fyrir alla þá sem vilja bæta tækni sína í ræðu eða riti.


Katrín Theodórsdóttir formaður Félags einstæðra foreldra.

----------------------------

,,Námskeiðið ,,Að tjá sig af öryggi" var í samstarfi við Vinnumálastofnun og veitti mér gleði og efldi minn persónulega þroska. 
Námskeiðið fór langt umfram mínar væntingar.. Takk kærlega fyrir mig Sirrý. 
Námskeiðið kenndi mér að tileinka mér jákvæðni og hafa trú á sjálfri mér. 
Leit aldrei á klukku, námskeiðið var svo skemmtilegt."

----------------------------

,,BHM fékk Sirrý til að halda námskeiðið "Framsækni, að tjá sig af öryggi" fyrir forsvarsmenn stéttarfélaganna sem lið í undirbúningi kjarasamninga sl. vor. 
Farið var yfir helstu atriði um framkomu í fjölmiðlum og við ræðuflutning. Einnnig var komið inn á hagnýt atriði varðandi fréttatilkynningar og samskipti við fjölmiðla. Blandað var saman gamni og alvöru, fréttaviðtal var tekið við alla þátttakendur fyrir framan upptökuvél og einnig voru ræður teknar upp. Hópurinn skoðaði svo myndskeiðin í sameiningu. Að námskeiðinu loknu fengu allir þátttakendur geisladisk með efninu. 
Námskeiðið vakti mikla hrifningu og var uppfullt af góðum og hagnýtum ráðum sem hafa nýst vel. Þátttakendur höfðu mjög mismikla reynslu af opinberri framkomu en námskeiðið nýttist öllum vel, vönum jafnt sem byrjendum. Nú þegar höfum við bókað næsta námskeið því færri komust að en vildu hjá okkur sl. vor. Við getum hiklaust mælt með námskeiðinu og veitum því Sirrý okkar bestu meðmæli."


Stefán Aðalsteinsson, framkvæmdastjóri BHM
Ragnheiður Eiríksdóttir, nýsköpunar- og þróunarstjóri BHM

----------------------------

,,Síðasliðin þrjú ár hef ég stundað nám við Háskólann á Bifröst, fyrst í frumgreinadeild og síðan í Lagadeild.
Í náminu eru unnin krefjandi verkefni, þar sem niðurstöður eru oft kynntar frammi fyrir nemendum og kennurum skólans.
Mikilvægi þess að geta komið fram af öryggi og komið skilaboðum sínum áleiðis verður seint fullmetið.

Í vetur höfum við laganemendur átt þess kost að sækja námskeiðið Framsækni - Örugg tjáning hjá Sirrý sem lauk með 
stórskemmtilegri og ákaflega kraftmikilli ræðukeppni á milli nemanda. 
Það var hreint frábært að sjá hvílíkum framförum nemendur tóku og hversu vel sá undirbúningur og þjálfun sem við 
fengum frá Sirrý, skilaði sér til nemanda. Sirrý hefur einstakt lag á að ná til allra, hún kennir einfaldar, hnitmiðaðar, en  ákaflega
áhrifaríkar aðferðir til öðlast tæknina,  öryggið og framsæknina  í tjáningu, við hreinlega hvaða tækifæri sem er. 

Þetta var nytsamlegt og stórskemmtilegt námskeið sem bauð uppá hagnýt ráð sem sem ekki gleymast, 
hlátur og glens, visku og fjör. 

Kærar þakkir frá okkur í Borgarfirðinum."


Pálína Ásbjörnsdóttir 
Laganemi Háskólanum á Bifröst.

----------------------------

"Að laða til sín það góða" - hressandi og jákvætt námskeið.
Sirrý kom á skipulagsdegi til okkar í leikskólann Vallarsel á Akranesi með námskeiðið "Að laða til sín það góða". Þetta var einstaklega hressandi, jákvætt og skemmtilegt námskeið og skilur mikið eftir. Ég mæli hiklaust með að aðrir leikskólar velji það fyrir sína starfsmenn."


Kær kveðja,
Brynhildur Björg Jónsdóttir, skólastjóri í Vallarseli.

Meðmæli með námskeiðum á Seyðisfirði

,,Ég hef tekið þátt í námskeiði hjá Sirrý og var reynsla mín af því afar góð. Vel var að námskeiðinu staðið, skilmerkilega sett fram og var fagmennska og einlægni í fyrirrúmi en komst til skila á einfaldan, skýran en jafnframt léttan hátt. Námskeiðið gaf góða innsýn inn í heim ræðumennsku og efldi okkur til dáða með hagnýtum leiðum. Ekki spurning að námskeiðið jók hæfni mina."

Anna Karlsdóttir skrifstofustjóri

----------------------------

,,Á sl.ári sótti undirrituð félagsmálanámskeið hjá Sirrý. Hefi sótt mörg félagsmálanámskeið um ævina, þetta er það besta hingað til. Sirrý er mjög hlý manneskja, öruggur stjórnandi og hefur mikla útgeislun."

Þórdís Bergsdóttir framkvæmdastjóri Seyðisfirði

Meðmæli með kvennakvöldum:

,,Vil þakka fyrir frábært kvöld með þér á Slysavarnafundinum í Grindavík. Fyrirlesturinn var mjög skemmtilegur og innihaldsríkur. Þú ert bara frábær fyrirmynd fyrir aðra.
Kærleikskveðjur."


Ásdís Sigurðardóttir - Orkubúinu Heilsurækt, Grindavík

Meðmæli með ,,Ný og betri" lífsstílsnámskeiðum á Tenerife

,,Ný og betri: Þessi vika var alveg frábær. Við systur komum endurnærðar heim með fullt að frábærum hugmundum um líf og sál Það var staðið 100% vel að öllu. Mér fannst Sirrý og Bjargey fullkomnar í þessu verkefni: Þar sem hreyfing og sjálfstyrking fór vel saman. Þessi vika gaf mér meira en ég get lýst í orðum og ég kom heim ný og betri manneskja."

Agnes Sigurðardóttir
Bruggsmiðjan ehf. Árskógssandi

Meðmæli með námskeiðinu ,,Framsækni - Örugg tjáning" í samstarfi við Vinnumálastofnun:

,,Sæl Sirrý og þakka þér fyrir námskeiðið sem ég var hjá þér á vegum vinnumálastofnunar. Ég er mjög ánægð með að hafa fengið tækifæri til að fara á svona námskeið og finnst frábært af Vinnumálastofnun að hafa metnað til að bjóða fólki í atvinnuleit upp á svona námskeið. Þetta hafði mjög hvetjandi áhrif á mig og mun hjálpa mér í framtíðinni að leyta að starfi og efla mig sem manneskju."

Bestu kveðjur Ragnheiður

----------------------------

,,Ég vil gjarnan koma á framfæri þakklæti mínu fyrir frábært námskeið „Framsækni – að tjá sig af öryggi“ sem haldið var af Sirrý í samstarfi við BHM, maí 2009. Á námskeiðinu var farið yfir fjölmörg hagnýt atriði sem gott er að hafa í huga hvort sem um er að ræða framsögn / tjáningu í starfi eða einkalífi Það að stíga út fyrir þægindahringinn er alltaf áskorun og því frábært að fá leiðsögn frá Sirrý um hvernig best sé að standa að verki. Sirrý er mjög skemmtilegur, jákvæður og faglegur fyrirlesari með mikla reynslu og góða sýn á lífið."

Ólöf Einkaleyfastofu.

----------------------------

,,Námskeiðið var hreint út sagt gargandi snilld. Sirrý hefur einstakt lag á því að koma efninu vel til skila og kveikja áhuga hjá nemendum sínum. En þá náði hún að virkja alla sem einn til þáttöku í námskeiðinu sem er alveg sérstakt. Námskeiðið var vel skipulagt og hið hefðbundna "námskeiðaform" var brotið upp á frumlegan og eftirminnilegan hátt. Tíma mínum var sérstaklega vel varið á þessu námskeiði og ég veit að það sem ég lærði mun verða mér til framdráttar ekki bara við að standa upp og tala við ýmis tækifæri heldur einnig í mínu dags daglega lífi."

Sóley Ragnarsdóttir listhönnuður.

----------------------------

Námskeiðið „framsækni og örugg tjáning“ er frábær leið til þess að efla sjálfstraustið og minna mann á það að við erum öll einstök og með réttri leiðbeiningu getum við öll sigrast á sviðskrekknum, tjáð okkur að öryggi á áhugaverðan hátt. Sirrý er sannarlega góður leiðbeinandi og mjög sannfærandi. Þetta námskeið ætti að vera skildu námskeið hjá vinnumálastofnun !!

Íva Rut Viðarsdóttir, Innanhússarkitekt FHI, MBA.

----------------------------

Sæl Sirrý.
Langar að þakka þér kærlega fyrir námskeið sem haldi var á vegum BHM. Einstakt námskeið sem ekki aðeins þjálfar framsögn og framkomu heldur og vekur mann rækilega til umhugsunar um lífið og tilveruna.Vel skipulagt, skemmtilegt og lærdómsríkt. Mæli eindregið með þessu fyrir alla, þó ekki síst okkur konur sem fáum þarna frábæra fyrirmynd í ótrúlega flottum leiðbeinanda.
Takk fyrir mig.

Kveðja
Svanhildur

Meðmæli með námskeiði hjá BHM:

,,Það sem ég lærði á námskeiðinu hefur gefið mér hugrekki til að stíga inn í aðstæður sem ég þorði ekki áður. Það er námskeiðinu að þakka að ég hef kjark til að slá í glas í brúðkaupi vinkonu minnar og flytja henni ræðu. Takk fyrir mig“

Anna Margrét

Meðmæli með einkaþjálfun:

„Sirrý er traustvekjandi reynslukona sem fékk mig, umfram allt, til að hafa gaman af upplestri og gera hann lifandi. Ég öðlaðist öryggi og gleði. Hún fékk felukarlinn til að verða hálfgerður athyglisfíkill – bæði heima og erlendis.“

Óttar Sveinsson rithöfundur.

-----------------------------

,,Ég undirrituð var á Ráðstefnu í Blá Lóninu 4-5 maí sl.þar sem Sirrý kom og var með okkur fyrsta kvöldið.Hún sagði okkur ýmislegt fróðlegt og kenndi okkur aðferð sem við gætum notað þegar við þyrftum að koma fram og td.halda ræðu.Ég þakka henni ynnilega fyrir það.Ég hef notað þessa aðferð mjög mikið síðan og hefur það gefið mér ómældan styrk og hef ég nýtt mér þetta bæði í hinu daglega lífi og eins þegar ég hélt ræðu.Sirrý er svo gefandi og yndislegur persónuleiki.Heint FRÁBÆRT hjá henni.

Hjartans þakkir og kær kveðja. Jóna Sigríður Gestsdóttir

-----------------------------

,,Ég var svo glöð þegar ég fór heim af námskeiðinu því mér fannst það svo vel heppnað, bæði gagnlegt og skemmtilegt. Þú settir efnið fram á einfaldan, skiljanlegan og skýran hátt og náðir svo vel til hópsins. Hvernig má annað vera þar sem þú býrð greinilega yfir svo mikilli lífsgleði, krafti og jákvæðri orku."

Rósa starfsmaður SSF - Samtök starfsmanna fjármálafyrirtækja.

Síðast uppfært ( Fimmtudagur, 02. maí 2013 08:35 )  
ÞÚ ERT HÉR: Home Námskeið Umsagnir